فيروس كورونا تم إيقاف جميع الرحلات
هذا العرض منتهى

رحلة سانت كاترين | يومين و ليلة واحدة

Saint Catherine

550 جنية
رحلة سانت كاثرين و دهب كل أسبوعين
يومين \ ليلة واحدة
550 جنيه سعر الفرد 

- الإنتقالات بباصات سياحية حديثة مكيفة علي حسب العدد 
- الثري بولز
- زيارة الممشي السياحي
- دخول محمية سانت كاترين والدليل البدوي
 

العرض يشمل

ملاحظات :

- التكلفة لا تشمل الإختياري ، و ده ممكن تحجزه في الباص قبل الوصول
أدوات السنوركلينج
الدايفينج بالتصوير
سفاري البيتش باجى
وجبة غذاء في الثري بولز
سهرة جبل الطويلات
غرف في دهب للراحة وتغيير الملابس
إقامة في كامب أسفل جبل كاترين لأي حد مش هيطلع معانا الجبل
- هنسافر الخميس 21 نوفمبر ونرجع السبت 23 نوفمبر

  برنامج الرحلة :

- التجمع الساعة 09:00م بالعباسية عند برج مصر للسياحة ، ونتحرك 10:00م
- هنوصل دهب الجمعة الصبح بدري
- نتحرك على منطقة الثري بولز ، المصنفة من أفضل 3 مناطق علي مستوي العالم في السنوركلينج
وهناك هنعمل أكتر من حاجة
هننزل المياه ونعمل سنوركلينج
ممكن نعمل دايفينج ونستمتع أكتر بالمناظر دي كلها وكمان نتصور تحت المايه
المغامرة تبقي أحلي مع سفاري البيتش باجي في مكان ولا ف الخيال اسمه "وادى جُنَي" ، وكمان هنقعد قعدة بدوي ونشرب شاي بالمرمرية ، ونسمع صدي صوتنا ، ونتصور في مكان جديد ومختلف
- الساعة 04:00 العصر هنروح "الممشى السياحى" عندنا جولة حرة ، نقدر نستمتع بالكافيهات والمطاعم اللى على البحر،وناخد أحلي صور،وهناك في كل الخدمات اللي ممكن نحتاجها ( سوبر ماركت, ماكينات صرف ,  محلات هدايا , ركوب عجل , صيدليات،.......... ) وممكن توفير غرف فندقية للراحة وتغيير الملابس
- الساعة 07:00م اللي بيحب الجنان يجي معانا ل أجمد حفله بدوى ف جبل الطويلات ودى عبارة عن تنورة و أغانى بدوى و دى جى ونشرب شاي بالمرمرية وإحنا بنتفرج علي الفاير شو
- الساعة 10:00م هنتجمع ونتحرك علي سانت كاترين
- نوصل سانت كاترين في حدود 12:00ص ، هيكون مستنينا الدليل البدوي نسمع منه كل التعليمات اللي هنلتزم بيها ونبتدي بقي المغامرة اللي بجد
- هنتسلق الجبل في مجموعات ، وهنقف في ريستات للراحة كل 1كم تقريبا
- في أي ريست اللي مش هيقدر يكمل بيفضل موجود ل حد وقت النزول بنعدي ناخده
- بنخلص مرحلة التسلق وبعد الريست الأخير بنطلع حوالي 750 درجة سلم علشان نوصل لقمة الجبل
- السبت بنوصل قمة الجبل قبل الشروق
- بنستمتع بمنظر الشمس وهي طالعة وسط السحاب من تحتنا ل حد ما تبقي فوقنا
- بنشوف فوق الجبل المسجد اللي كان بيصلي فيه سيدنا موسي ، مكان سجوده لله في صخرة من الجبل ، وكمان كنيسة كاترين
- بناخد أحلي صور لأحلي ذكري ونبتدي نتحرك للنزول ونشوف جمال الطبي- ة في لون وشكل الجبال
- بنزور دير سانت كاترين ونعرف قصة بير مريم والشجرة العليقة
- الساعة 09:00ص بنتجمع تاني في الباص ونبتدي نتحرك للقاهرة


حاجات مهمة لازم تكون معاك:

- إثبات شخصية ساري (يفضل الرقم القومي) و كارنيه الكليه لطلبة الجامعات، وثيقة الزواج للمتزوجين ، شهادات الميلاد للأطفال
- باور بانك
- سناكس  مغلفة تستحمل تغيير حرارة الجو
- بالنسبة لدهب
لبس مناسب لنزول المياه وحذاء للبحر (كندورة)
لبس خفيف لفترة الصباح
نضارة شمس وكاب
- بالنسبة ل كاترين
سويتر ، آيس كاب ، كوفيه ، وجوانتي لو هتطلع الجبل
كوتشي مناسب للتسلق
شنطة صغيرة خفيفة لحاجتك الشخصية
زجاجة مياه
شيكولاتة ، تمر ، بسكويت بالعجوة ، علشان تدفيك وتديك طاقة

 

 

 

 

 

 

 

 

 

شاهد عروض اخري